السلام عليكم و رحمة الله و بركاته
مرحبا بكم عندي اليوم
غادي نوريكم تقنتة الشهيوة الوجدية اللي كتوجد في السبوع
موقع العروب لكل ما يهم المرأة العربية
تـَقَـنـْتـَة بحال سلو بالصور
المذاق ديالها تقريبا بحال سلو نخليكم مع المقادير والطريقة
مقادير تـَقَـنـْتـَة بحال سلو بالصور
الدقيق كيلو و 400 غ
ـ زلافة ديال لوز مصلوق مقلي مهرمش
ـ نصف زلافة ديال زنجلان محمر شوية
ـ تقريبا 1لتر من الزيت حيدي منو100 مليلتر قلي فيها اللوز
ـ 2معالق كبار ديال القرفة مطحونة
ـ تقريبا زلافة عامرة ديال السكر بودرة اوما يعادل 200 غ
طريقة تحضير تـَقَـنـْتـَة بحال سلو بالصور
نديرو الزيت فوق النار نخليوها تسخن
بعد ما سخنات الزيت نزيدو ليها الدقيق شوية بشوية مع التحراك مزيان
نخليها طيب على نار هادئة شوية ونبقاو نحركو كل مرة باش متحرقش راه كتعطل فالطياب تقريبا ساعة ونصف
نخليوها حتى اولي اللون ديالها بحال الكراميل ونطفو عليها نخليها تبرد شوية
مين بردات شوية نزيدو لها السكر واللوز الزنجلان والقرفة نحركو مزيان بالطراب اليدوي
نخليوها تبرد مزيان شي 3 دسوايع عاد نقدموها
هاهو الشكل النهائي ديالها
و بالصحة و الراحة
كنحتافضو بيها فالقرعة ديال الزاج تكون كبيرة ومع الوقت راه كتصفي داك الزيت الفوق الى بغيتو تحيدوه ليها وتقدموه ناشف
ليست هناك تعليقات:
إرسال تعليق